Paul Rudolf Uhl
Gelände-Taufe
Auf d Spat zua* kemma Wojkn auf…
Da Dog war hoaß – is ma ned gwohnt!
Es staubt bis zu de Dachl nauf;
auf oamoi rengts – bleibt nix vaschont.
„Kimm, lass uns wachsn, nassa Regn!“
schrein Kinda, hupfn draußtn rum…
Es schütt ganz fest – ja und desweng
lafft´s Traufe-Fassl über – drum!
As Gros und d Bleame, de san froh;
se saugn de Nässn in si nei…
De Oachnbaam geht’s grod aso,
da Wind, der zaust`s, mei- is des fei…
Wanns z vej rengt, mei, des macht nix, s lauft
üba n Kanal ins Bachl nei.
De ganze Gegnd is frisch tauft,
ín Gotts Nam – grod so muaß des sei…
*am Spätnachmittag P.U.
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 02.04.2012.
- Infos zum Urheberrecht / Haftungsausschluss (Disclaimer).