Paul Rudolf Uhl
Frühlingslüftal...
A Frühlingslüftal waht iatz draußt;
es is scho woarm, da Himme blau…
Woaß a scheens Platzal, drent, am Roa –
do foahr i hi mit meina Frau!
A Bankal gibt`s, und hinta uns
do blüahn de Pojmkatzal so schee…
Im junga Gros: da Osterhas
und weita hint, do stehngan Reh…
Auf oamoi kimmt a Traktor zua,
hint dro – a Riesn Fassl – und
der fangt aa glei zun Odln o!
Zun Obhaun is des unsa Grund…
Foahrn hoam, weil: vis a vis vom Haus
gibt’s aa a Wiesn, fast so schee,
do kunnt ma aa an Frühlingsduft
daschnaufa – leider ohne Reh…
Kaum hock ma do – wer kimmt daher?
Da Bauer Gurke! - Des is schod,
weil der iatz aa an unsam Haus
an Frühlingsdraam uns austriebm hod…
P.U. 10.04.12
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 10.04.2012.
- Infos zum Urheberrecht / Haftungsausschluss (Disclaimer).