Paul Rudolf Uhl
Herrgott sein
...schaut Euch unten das Datum an... trotzdem immer aktuell, meine ich:
Do werd doch glatt, - no eh ma´s denkt -
z Jerusalem – glei auf da Straß -
a Bus mit Kinder oafach gsprengt...!
De Menschn san so voller Hass !
Und im Irak (da Kriag waar aus,
so hat der Bush s doch laut verkündt),
do sprenga s grod de Ami naus…
- De eigna Leut werdn mit ozündt...
In soiche Zeitn – mei, oh mei -
mit Terror auf da ganzn Wejt
do mechat i koa Herrgott sei !
Hätt Angst, s wuratn Fragn gstejt:
I wissat neda, wos i sog,
zu Müatta, de grad plärrn am Grab,
ob des denn sei muaß, Dog für Dog;
...Warum i s ned verhindert hab...
Naa – i könnt iatz koa Herrgott sei,
und zuaschaun bloß de ganze Zeit,
wenn meine Buam grod iatz und glei
zerfetzt wern! – Naa, des duad ma leid!
Müaßt i im Himme iatz regiern,
i schickat Blitz und Donner her,
damits de Menschn moi kapiern:
„Seid´s endlich friedlich! – Machts koa Gscher!“...
P.U. 18.02.04
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 20.05.2012.
- Infos zum Urheberrecht / Haftungsausschluss (Disclaimer).