Störfall (autobiografisch!)

 Bei „e-stories“ bin i dabei:
Do gibt´s so Kurzgschichtn und no
gereimte Versal, de san fei´-
aa soiche ohne Reim. – Ohoooo!
 
Je(d)n  Dog kriag i zwanzg e-mail glei !
Statt Briaf schreibm. Geht vui schneja und
ins Dichterforum Versal nei
mecht i stejn  – des is aa da Grund…
 
Fünf Dog moi ohne Internet?
Des derfat ned sei,  konn`s  ned gebm!
Des werad  wirkli dann  a Gfrett -
Computer braucht ma heit zun Lebm…
 
Doch, wann des dann amoi passiert,
na woaß i nimma, wos i dua…
Auf je(d)n  Foj bin i recht frustriert:
Auf oamoi hätt i Zeit grod gnua !
 
Na guad – wos lesn kunnt i no
und auf Terrass mi sitzn – eh…
As Rasnmahn*, waar nötig scho…
Im Eiscafé waar`s  aa recht schee!
 
Da Server: gibt sein Geist der auf
und aa, wann `s  Telefon ned geht,
vazicht auf´s  Internet i drauf,
weil`s  ohne des - mia bessa geht!
 
*  Rasenmähen                                        P.U.  29.05.12
 
Naa, naa: as Versal schreibm kost´ scho
mi recht vui Zeit… Des is scho klar…
Und, dass de Untahojtung do´
mitInternet vui bessa war.                (,-))  (;-))   (:/))