wie een Fahn

Ik grööt em jedetmaal
doch he kickt an sick daal
secht nie nich gooden Dach
ob he mi wohl nich mach
 
liekers, so sech ik mi
de Mann de het keen Plie
de weet nich wat sick hört
is inbild odder stöört
 
doch nülich is passeert
ik hef mi meist verfehrt
denn he käm  op mi to
un bölkt ganz lut Hallo
 
hüt wär ik för em wat
denn ik stünn in´t –Blatt
mien Nober wär he nu
so fründlich un per du
 
de Kerl is wie ne Fahn
juest wie een Wetterhahn
büst wichtig, kennt he di
süss slarpt he so vörbi