Zruckaus

...ein bisschen transzendent...
      
Zruckaus (oder: aschlings*)
 
A Freind vo mia hat a Idee:
As Lebensradl zruck drahn mecht
er – und er moant, des waar doch schee...
A bissl jünga sei – ned schlecht?
 
A so a zehn-zwanzg Joahr waarn guad…
„Nix Rente! – Arban wieda muaßt!
Und do damit muaßt zruck zur Wuat,
zum Stress, wanns d sowos amoi duast.
 
No weida zruck: In d Schuj muaßt geh
und Hausaufgabm ärgan di…
Ois Baby: Windln trogn – ned schee,
und dann: d Geburt – Ja, Sakradie…
 
Zum Zellhaufn schmejzt wieda zamm -
wos dann is ? - Muaßt hoit wieda nei,
in  Wurschtkessl vom Abraham**.
Bloß no a Triebgedankn sei…
 
Danoch kimmt lang nix, aba iatz
werd´s  wieda Liacht – oh, mei, oh mei -
lebst wieda, und des is koa Witz:
Derfst a Neandertala sei…“
 
*    rückwärts                                               P.U. 
**  bayrisches Idiom für pränatal: “in Abrahams Wurstkessel“