Anna Steinacher
Schwimmen gian
Heint will i amol schwimmen gian,
dr Tog der zoagt sich sovl schian,
so póck i glei die Schwimmsóchn in,
mitn Bus kimm i am schnellschtn hin.
Oje, i sigs nor schun va weit,
ba dr Kassa schtian a Haufn Leit,
meina Luscht isch foscht dahin,
weil i koan guata Schwimmerin bin.
Hon´s erscht glearnt vor a poor Johr,
weil früher koana Glöignheit wor,
gonz viel Plótz hatt i holt gearn,
sel wert heint woll schwierig wearn.
Noch a Schtund bin i in Wossr drin,
mein Muat isch schun long dahin,
hoamlich schleich i mi von hinnen,
geah in die Bódewónne schwimmen.
zoagt = zeigt, sovl schian= so schön, póck=packe, schtian= stehen, Luscht isch fóscht dahin =die Lust ist fast dahin,
hon´s=hab es, glearnt=gelernt,koana Glöignheit= keine Gelegenheit, sel=das, hoamlich=heimlich,
geah= gehe, Bódewónne=Badewanne
Die Rechte und die Verantwortlichkeit für diesen Beitrag liegen beim Autor (Anna Steinacher).
Der Beitrag wurde von Anna Steinacher auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 02.08.2012.
- Infos zum Urheberrecht / Haftungsausschluss (Disclaimer).