Paul Rudolf Uhl
Schwarze Engel?
...und sie singen das Gloria...
Um de Zeit, do gibts ja schá Krippal grod gnua:
Am Markt, in da Kirch und dahoam…
Und grod überm Stoj - mei, do wusln se zua!
Aus Hoiz sans, aus Wachs oder Loam.
Kunnt sei, dass a poar iatz aus Kunststoff san gmacht,
vielleicht aber aa aus Porz´lan…
Da Stern über eah is beleicht ba da Nacht,
am Fodn hänga s – dass s ned vawahn…
Wanns zualust, na hörst as aa singa und spejn:
As „Glorja“, des ist eahna Liad…
Und jung san´s - s is koana dabei mit na Brejnn !
Und koana vo dene werd müad…
Iatzt muaß i schá bled frogn… - I bin hoit so frei -.
Do stimmt doch wos ned in da Wejt?
San weiß olle ! – Schwoarzer is koana dabei !
A soicher, der hat mir glei gfejt…
Proporz hoaßt ma s erst, wann s Verhältnis aa stimmt
- des muaß ma si moi überlegn…
Mei Liaba, do bin i iatz ganz schee verstimmt…
Und wos soi i? – Auf mi ned regn?
Hast recht: De drei Kini – de kemman ja grod
mit Weihrauch und Myrrhe und Gojd…
Da Balthasar – oana vo dene - der hot
a schwarze Haut, so wia ra soitt!
Bin zfriedn – wenn da Proporz aa ned so recht stimmt
und i werd iatz glei amoi schaung,
ob irgendwo i a schwoarz Engal ned find…
Des daad für mei Kripperl schá taugn !
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 22.12.2012.
- Infos zum Urheberrecht / Haftungsausschluss (Disclaimer).