Frühlingsgfühl

Kaum isch Nojohr grod vorbei,
riachts foscht schun noch  Mai,
es isch jo  net zu verschtian,
die Wiesn wern aa schun grian. 

Dr Himml isch wunderschian blau,
des  Lüftl wahnt schun gonz lau,
die Sunn isch so worm und fein,
und des soll dr Monat Jänner sein.

In Gortn tuat sichs aa schun bewegn,
i hon die Narzissn auerstupfn gsegn,
dr Igl kriacht schun ausn finstern Bau,
will iaz sich suachn schun a Frau.

So verruckt spielt  heuer die Natur,
von Eis und Schnea gor koana Spur,
obr nou isch dr Wintr nöt vorbei,
vielleicht kimb er gor erst in Mai.