Kindagspej (Kinderspiele)

Wer woaß denn no, wos mia ois Kinda
mitnanda oisse gspejt glei ham?
Ja, mei – vaflixt, kimm ned dahinta,
wia woarn vo dene Gspej de Nam’ ?
 
Vasteckaletz! - Oa Kind muaß eischaun
(de Helga, de hat meistns  gluat*,
wohi mia olle ganz schnej obhaun –
und hat vej  z schnej zähjt. Goar ned guad!).
 
Bis Zwanzg – und dann dazua no gsetzt,
dass hinta, vorda ihr ja glei
und links und rechts ned gejt, wei zletzt
kaam oans do drauf und schlogt si frei,
 
der do am Eischauplotz is steh bliebm!
Aa i woar domois so a Tropf -
ois Bua woar i ganz schee durchtriebm,
hob zogn de Helga oft am Zopf…
 
Und is de Sonn dann untaganga,
hamma vom Hof miassn - ins Haus.
Wer ned gfojgt hat, hätt oane gfanga **.
Sunst hätt ma gspejt bis dorthinaus!
 
* gelurt =heimlich geguckt    ** eine Ohrfeige
                                                                         P.U.  07.01.13