Da fliagade Teppich

                              Münchhausen lässt grüßen…
 

 
Sie´m  Hoibe Bier… – I bin ins Bett,
um Middanacht zun Biesln raus…
Bin schwindlig gwen – a so a Gfrett !
Orient-Teppich im Treppnhaus…
 
Weil`s  mi so draht, do fluach i gschead:
So wos wia „Sakra husch“ – konn sei …
Da Teppich hat sei Stichwort gheart
und „Scaramuoche“ vastandn – mei …
 
Des Zauberwort war`s  Startsignal,
des hat er aa glei  akzeptiert…
Da haut`s  mi um,  i lieg fatal,
hob, dass er obhebt, glei kapiert.
 
De Haustür: Aufganga und mia –
mia zwoa, da Teppich und aa i –
schweb ma durch d´Hauptstraß und i knia
auf ehm… Er frogt: „Wo mogst`n  hi?“
 
Wohi ? - Na klar - ins Wirtshaus zruck
und meine Saufspezln wern schaun !
Mia fliang glei über d´Doanabruck,*
wo`s  grod a neiches Glanda baun…
 
I hoit mi ei – foi oba**… - Er
zum Haus zruck – Bruada, do hat`s gstaubt…
Am ollameistn foit ma schwer,
dass mir de Gschicht jatz koa Mensch glaubt…
 
  * Donaubrücke      ** falle herunter              P.U.  20.10.11