Bauernregel

De Bär hot sein Schatte gesiehn
an Lichtmess - es werd nochmol kalt!
Sechs Woche lang duut er jetz ziehn
serick in die Heel sich, im Wald.

Met Friehling is noch nix se mache,
de Newwel uns Eis sin noch dick;
mer brauch noch die wollene Sache,
wie Mäntel un Schals vor's Genick.-

Drum war aach de Schlussvekaaf ginchtich,
do konnt mer ergänze was fehlt;
un manches ganz schenes, doch dinn Stick,
muss waade im Schrank, bis mers heelt.

De Friehling kimmt sicher, das wääs ich,
un irgendwann grient's aach un blieht!
Das Läwe, das jetzt lääft noch määsig,
kriet Schwung dann, 's geht Kraft ins Gemiet!

Un schneller als wie mer kann gucke
wächst alles un treibt werer aus. -
Jetz misse mer uns halt noch ducke
ins Waarme - un gucke nor naus...

Irene Laubner