Preisausschreibm

Im Preisausschreibm hob i gwunna:
Im März, do fliag i aufn Mars !
Hob o gruafn, mei Lösung gsogt glei -
S war richtig - Menschnskind - des war’s!
 
Jatzt muaß i grod no Urlaub nehma,
des werd  lang dauern, hi und zruck…
Und Vojpension is ned dabei !
Mei erst’s, des woar a Kraftausdruck…
 
De Schwerkraft is do fei vuj wenga:
Dreißg Kilo wiag i do bloß no...
Dann mecht i aa no aussabringa:
Muaß  i im Raumanzug auf’s  Klo?
 
De Dog, de san do a weng  länga -
saukoit is – wos mi irritiert…
Jatz bin i nimma goar so sicha,
ob si de Roas für mi rentiert?