Auf und davo

Is eich des aa scho moj passiert?
Du kriagst d Idee, a Versal z schreibm,
so üba s Thema Dings und Bums…
Und moanst, d Idee, de werd dia bleibm:
 
Hot oana auf mei Versal vo
de Hexl mia a ganz a schicks,
a lustigs Stichwort gebm. - Hob glacht
und denkt, i schreib wos drüba. – Nix
 
is übabliebm ! – As Stichwort: weg,
weil i s ned glei notiert hob. – Schod !
I hob mia a s Hirn damartat, doch
es woar vaschwundn. - Neamands hod
 
mia sogn mehr kenna, wejches Wort
des woar… - A so a Sauarei…
So is de Super-Idee fort !
Es hod hojt oafach ned sojn sei…
 
                                                               P.U.  12.04.13