UFO in Madrid

Frühling woar’s, do in Madrid und
aa schee Weda, wia se’s  gheart…
Mia san in da Stodt rum ganga,
Zmoi hat do mei Weibal plärrt:
 
„Do schau hi – is des a UFO?“
I hobs glei fotografiert !
Und mit da Quadriga woitn s
re(d)n ! – De ham si sauba g’irrt:
 


Des war ned de Burgamoast’rin!
Majestätisch kunnt ma s nenna…
Doch, dass a Symbol grod is, des
ham se ja ned wissen kenna !
 
Ham’s probiert in siewatzg Sprachn
und – weil se ned g antwort hod,
san se oafach wieda obghaut…
Eingli find i des ja schod…
 
Iatzad wiss ma ned, wos s wojn hom,
woher s kemma übahaupt…
Und, wos mia dazua no stinkt, is,
dass ma des koa Mensch ned glaubt…