Der Sauwetter-Mai

A kojda Mai – koa Sonn, vuj Regn
Vor drei Joahr war’s  genau a so.
Hobs aufgschriebm domojs, grod deswegn,
dass ma si moi erinnan ko.
 
Jetzt muss ich mein Gedicht vom 03.06.10
Nochmals heranziehen:
 
Da Mai war heia oafach z`koit !
Sechs Wocha g´rengt  hat`s  an oam Stuck…
De Leit waarn fast vazweiflt boid !
An den Mai denkt ma ungern zruck…
 
Und auf de Berg liegt Schnee wia nia…
In drei Wocha is Sonnwend scho…
De Dog wer(d)n  kürza, sog i dir;
Da Winta kimmt boid, sowieso!
 
Mi`m  Franzl hätt i beinah  gwett:
Da Klimawandl soi des sei?
Vo  Erderwämung ham se  g`redt…
I glaub, a Eiszeit kimmt… Oh, mei!
 
Mecht endli wieda n`Himme sehng,
schee blau, mit weiße Woikal drin
und  d`Sonn soi scheina – und desweng
kimmt mir auf oamoi in mein Sinn:
 
Do is bestimmt Schwarz-Gejb dro schuid…
Do  krislt`s doch,  wohi´ i schau!
I bin am End mit da Gedujd:
As nächst Moi wähl´ ma Weiß und Blau…
 
                                                               P.U.  03.06.10