Selbstgespräche (Übermut)

Warum i mit mir selber red?
So hams  mi gfragt – aus was fürn Grund?
Ja: - Erstns  widerspricht  ma ned
mei  Gspächspartner, der hoitt sein´ Mund…
 
Und zwoatns:  Redn mit so am Herrn,
von Bildung… Des is schee  - Koa Frog!
Des duad  ma  ja doch wirkli gern…
Und - der versteht  glei,  was i  sog!
 
Und  er  is  aa  koa  so  a  Ruach,
der mi  vapfeift und denunziert
Wenn  i moi auf  d´ Regierung fluach…
- Habts  des iatz endlich oiss kapiert?
 
    (;-))                                       P.U.  16.09.04