Gabi Sicklinger
Summarabnd in da Kindheit
Summarabnd in da Kindheit
De Sun geht gliarad owe
Da Dog kimmt jatzt zua Ruah
Mia Kinda spuin no fanga
Und zwiagazn dazua
Des Miezal hofft auf Meisfang
Dort drent im frischn Hei
De Kiachaglock lodt blechan
Zur Abndandacht ei
Draußt auf da Hausbenk sitzn
De Großejtan alloa
Des Dogwerk mit fui schwitzn
Is fia heit endle goa
Liachtfeian doands a weng no
Wia des so üble is
De Nachbarin schmatzt uma
Und moant dass rengt morgn gwiss
De Magd hoit no a Wossa
Vom oidn Brunna rei
Staad senkt de Nacht si nieda
Und mit ihr gengands nei
© Mandalena (2013)
Vorheriger TitelNächster Titel
Die Rechte und die Verantwortlichkeit für diesen Beitrag liegen beim Autor (Gabi Sicklinger).
Der Beitrag wurde von Gabi Sicklinger auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 31.07.2013.
- Infos zum Urheberrecht / Haftungsausschluss (Disclaimer).