Paul Rudolf Uhl
Fingerhakln
A Fingahakl-Moastaschaft,
de is ja heit in Landshut dro(b)m.
De Burschn brauchan scho vui Kraft –
den Einsatz muaß ma wirkli lo(b)m!
A weng a Taktik gheart dazua,
ganz gwieß aa no a dicke Haut:
Da Mich’ - a stramma, fescha Bua -
hat hintaher scho recht dumm gschaut:
De Haut vom Finga woar davo !
Zefix – wia konns denn sowos ge(b)m?
Ja mei, des is hoit moi a so…
Da Mich konn s Eßbsteck kaum no he(b)m…
Sei Wei findt s unverantwortlich:
„Na Bravo!“ hat se o eahm zischt
und woar stocksaua, weil da Mich
den G-Punkt iatz nimma dawischt…
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 01.09.2013.
- Infos zum Urheberrecht / Haftungsausschluss (Disclaimer).