Lebkuachn

Lebkuacha und Dresdna Stojn
bietn s übaroj scho o.
Ob de Leit des iatz scho woin?
S Marketing diktiert s uns so !
 
Grod oan Monat geht s no her,
nachad kimmt da Nikolaus…
Dro vabei geh, foit scho schwer;
boid gibt s es in jedm Haus…
 
Doch, wia i mei Weibal kenn,
backt se sejba Plätzal und
mindastns sechs Sortn, denn
ned grod Ehrgeiz is da Grund:
 
Naa, da Gruch im ganzn Haus,
der macht Stimmung, der muaß sei.
Toagschüssl schleck i dann aus,
ess aa Plätzal gern – ja, mei…
 
Hob mit Weihnacht nix am Huat!
Doch so rutsch i – duad ma leid –
(aa da Stoin, der schmeckt so guad!)
doch no nei in d Weihnachtszeit…
 
                                                     P.U. 03.11.13