s'Ganserlessen

A Ganserl hät i numoi gern,
doch des werd heia a nix wern.
So hab is ghört die arme Frau,
wia s’hoast, des woaß i ned genau.

Und wia i sie so red’n hör,
hob i mir dacht, ist koa Malheur.
Bei mir is nu a Platzerl frei,
i lad des Muatterl heuer ei.

Wohna duat sie glei um’s Eck,
is ganz alloa, a Kinder weg.
Sorgen stehn in ihrem G’sicht,
die Händ gezeichnet von der Gicht.

Weihnachten hat’s kräftig gschneit,
da bin i rüber  - ist ned weit.
Da seh i durch die Fensterscheiben,
wie sie grad tuat  die Augen reiben.

Mei Muatterl, sag i da zu ihr,
 bin a alloa, kimm hoit zu mir,
i hob a Gansel für uns g’macht.
Da hat sie unter Tränen g’lacht.

Weihnachtsliada ham ma gsunga,
d’samma a paar Glühwein drunga.
Dann  ham ma nu des Ganserl g’essen,
i werd die Weihnacht nia vergessen.

Gibt es etwas Schöneres als einem Menschen zu zeigen daß er nicht vergessen ist. Das Lächeln im Gesicht dieser Frau zeigte mir daß es nicht viel braucht einen Menschen glücklich zu machen.
A. MayerAlois Mayer, Anmerkung zum Gedicht