Frühjahrsputz

                                                                  Bald ist es wohl wieder so weit...:

Samstag früah – a blede Zeit -
fangt mei´ Weibal oo, zum Putzn:
Staubsaugn,  Wischn müass ma heit...
Frog mi oiwei - wos  soi s nutzn?         
 
Treppnhaus und Kellergang,                
Speicherstiang und olle Zimma,       
Fensterputzn, frog ned lang!   
Gmüatli is de Wohnung nimma...
 
Vorhängwaschn – mei - des Gfrett !      
Aa  d Gardina müassn runta…
Guada Mo´ - komm, sei so nett,
geh zum Teppichklopfn nunta !
 
Jeder Schank und jeder Kastn
muass iatz viera – des is klar !
Auf geht’s, auf geht’s – nur ned rastn,
Staub do hint waar furchterbar...
 
Und aus unsara  Vitrina
müassn olle Glasl raus...
- Jatzt werd  i  doch zum Schlawina,   
und  i  tricks mei Weibal aus:  
 
Denn – zu  so na Art Befreiung             
ruaft mei Sekretärin oo:                     
Für a  ganz  wichtige Sitzung 
müasst  i sofort ins Büro...                  
 
                                                                              P.U.  20.03.04