Bamdrama

Gaunz om, am Nussbam, draußt im Goatn,
sitzt übern Blätterdoch, da Krah,
baut sie sei Nest, gaunz ohne Bortn,
und mocht dabei, a murdsdrum Gschrah.

Gaunz schnö, muaß er sie dabei tummeln,
die Zeit zum briatn is so kurz,
in der Natur, do gibt’s ka schummlen,
Allzeit bedroht vom Wettersturz.

Hie und do, vasteigt sie d’ Kotz,
kräut aufi bis in’d Spitzn,
und wü, mit ihrer Kotznprotz,
die Eier, aus dem Nest, stibitzn.

Des Schauspü, des sie do entwickelt,
hast “ Drama auf’m Bam “,
die Kotz, wird von die Krauna pickelt,
und gibt’s net auf, dann drahn sas ham.