Paul Rudolf Uhl
Da Frühling hat zwoa Seitn...
Hob tausnd Schneeglöckal im Goartn !
I frog mi, wia lang se no bleibm…
Drum hob i schnej a Foto gschossn
(mit Wörta konn ma’s ned beschreibm)…
De Hoslstau(d)n und d Erlen bliahn…
Da gejbe Staub fliagt übaroj
und woarm iss und da Himme blau,
- doch niaßn muaß i tausnd Moj…
De Nosn zua (zweng Allergie!),
de Augn brenna - und i bin fad…
Do fluach i manchmoj – ja, und i
mecht, dass a poar Dog regna daad…
De Pollen, de valeidn ma scho
an Auswärts, bringt zwar Bleame her…
Doch find i s guad, das er iatz kimmt,
weil d Baam ausschlogn und oiss wird grea…
De Dog wearn länga, des is schee
und olle woin in d Sonna naus…
, De Dirndln ham ganz wenig o -
do schlogn sogoar de Manner aus !
P.U. 07.03.14
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 08.03.2014.
- Infos zum Urheberrecht / Haftungsausschluss (Disclaimer).