Paul Rudolf Uhl
Politiker
Es soll ja aa andane gebm…
I zeichnt s jatz mit flottm Strich:
Mit Privilegien issa gspickt,
schnej ziemli reich und voj mit Schlich,
bei Sitzunga oft ei scho gnickt…
Vapflicht fuhjt er si da Partei…
Beziehunga, de pflegt a guad,
Karriere macha - des muaß sei !
Und ungern bloß nimmt er sein’ Huat !
Vaantwortung, de trogt a scho -
behaupt er, steht dafier ned grod…
Nach aussn iss a brava Mo,
der hoamli Schmiagejd gnomma hot.
Ganz wurscht, wos er aa ostejt – er
werd nia ned bstraft, er redt si naus..
Mit sojche hat ma bloß a Gscher !
D Politik is a Noarrnhaus !
Aufn Plakat, do ham man gern:
zun wegdoa leicht, ganz dünn, ganz staad…
do megn ma eahm grod insofern:
Zun Zreissn – wos ma gern oft daad !
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 12.04.2014.
- Infos zum Urheberrecht / Haftungsausschluss (Disclaimer).