Zfriedn sei

Am großn Glück bin nochgjogt i
de meiste Zeit. Dawischt no nia.
I woit ned nochgebm. - Sakradie –
hob oft recht gschimpft und gfluacht ois wia!
 
Na hob i s kennt: Des haxt mi auf*…
Hob zruckgsteckt - glei is bessa wor(d)n
und staada aa mei Lebnslauf:
Hob d Unzufriednheit valorn…
 
Auf oamoi kimmt des kloa Glück her,
mei Seel hat Ruah gfundn scho boid…
Probiers amoi – s is goar ned schwer.
Werst sehgn, na werst recht zfriedn oid!
 
       * zerstört mich