Der Eichenbaum

                                                            Requiem für eine Eiche

A Mords Trum Oachabaam liegt grod
am Bo(d)n – und i woaß ned, warum.
Der woar so houh – um den is schod...
Wer schneidt a so an Baam denn um?
 
Sei Wipfe - bis  in   Himme nauf,
hat d Woikan o glangt – woaßt as eh…
Dass er iatz do liegt, regt mi auf !
Der woar no gsund und aa so schee...
 
Ja - in da Zeitung steht de Dog:
An neia Steg ham s  zimmert draus !
Da oid woar hi, s is goar koa Frog,
do beim Benefiziatnhaus.
 
Ja muaß – wo heitzudog doch oiss
aus Kunststoff, Glos und Eisn is -
da Steg aus Hoiz sei? – Jednfoiss
i hätt den Baam steh lassn! - Gwieß!
 
Ma kunnt den Steg aa betoniern…
De Leit ham überhaupts koa Hirn!
 
                                                               P.U.  01.07.08