Paul Rudolf Uhl
Ein Goldschakal !
In so na Fotofalle hams
an Gojdschakal fotografiert…
A Sensation! – In Bayern! – Mensch –
gibt’s de bei uns iatz? - Intressiert
is da Naturschutz, d Jagarei,
de Wissnschaft voj Euphorie…
So Kameras, de find i guad:
Ma woaß iatz, wejchas Viechzeig si
heit ummatreibt im Woid do draußt...
Im Bayerwojd gibt`s Hunderte
davo ! – A Liabspoar hams de Dog
schee deitli knipst – mei, is des schee!
Und er war vo da Prominenz,
sie aa – ja, und vaheirat sans -
doch ned mitnand! - Recht peinli waars,
wann`s wer dafaohrt… De Resonanz
is iatzat, dass de Förstarei
a Warnschujd aufstejn muaß im Woid.
Obwohj de Första zuagebm ham,
dass eahna d Bildauswertung gfoit…
P.U. 11.07.12
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 29.04.2014.
- Infos zum Urheberrecht / Haftungsausschluss (Disclaimer).