Verwandtschaft

                                                                                                        Wenn Verwandte nicht am selben Ort wohnen, sieht man sich wirklich zu selten…
 
D Vawandtschaft trifft si doch – ja, scho –
ned wirkli oft. Z meist grod, wenn moi
a Hochzeit is, a Tauf und so…
Komm’ ion und Firmung jedn Foi,
 
Geburtsdog, wann’s  “a Runda” is,
wann oana stirbt… – Na is scho goar
mit de Gelegnheitn. Gwieß
is seltn gnua – des is doch woahr!
 
Ja, mei – a jeda hat sei Lebm,
sein Stress und oft für goar nix Zeit:
Termine… - Soiche Sachn ebm
wia Doktabsuach – es duad ma leid!
 
Guad, zwischndurch passt ma moi auf,
auf d Enkl, bringt aa moi a Gschenk,
Spaziergang, Wandan, Kinogang…
Und ma vaziahgt ma dann a weng.
 
Dawei soit ma Kontakte pflegn,
so oft wia’s  ja grod irgnd geht.
Ma soit si wirkli öfta sehgn,
doch leida funktioniert’ s zmeist ned…