Sch...

Do gibt’s  Wort*, des jeda kennt -
ja, auf da ganzn Wejt gwieß…
des werd aa ziemli oft ogwendt
(und unanständig iss !).
 
Des Wort – benutzn olle Leit.
So mancha konn s ned leidn,
scho vo der Stoazeit o – bis heit,
ma soit s ja aa vameidn…
 
Des Wort bezeichnet unscheniert
des Gstingade… - Hear auf!
Wer’ s sogt, is  undiszipliniert -
und oafach aa schlecht drauf.
 
Bei Ärga, unta Alkohoj,
Entdeischung und bei Frust - do
erleichtat’s  aba trotzdem wohj,
weil ma an Dampf oblassn ko…
 
Des Wort mit s-c-h vorn dro…
Ich sog’s jazt auf mei Weis,
sodass a jeda hearn aa  ko:
………………………………………
Naa – doch ned ! – Grod mit Fleiß…
 
                                               P.U. 16.02.14 /18.05.14
 
* Merde – shit – vulg – caca - говно – skit – bok –
   govno - 他妈的 – porra…