Des find i guad...

A Hojbe Weißbier, in da Hitz,
do unta m gejbn Sunnaschirm,
a kojde Duschn, wann i schwitz,
an Sprung ins Wassa aa, a diam*
und a Vasöhnung noch da Wuat –
so Sachan find i wirkli guad…        
 
Si gegnseiti d Füaß massiern,
und zammahojtn in da Not ,
ganz harmlos aa moj kokettiern…
A saubers Übaholvabot
für olle  schwaarn LKW -
und nirgnds Kriag. Mei, waar des schee.
 
Neinzg Joahr oid wern und gsund dabei
und dass ma nia as Gejd ausgeht:
A Lottogwinn - so nebnbei -
oamoj im Joahr - waar a ned bled.
Und manchmoi a weng Übamuat,
des fànd i oisse wirkli guad…
 
…oder hab ich jetzt  das rechte Maß verloren?  (;-))
 
* a diam: gelegentlich                             P.U.  22.06.14