Paul Rudolf Uhl
Auf meine oidn Dog
Vatrog auf meine oidn Dog
de Äpfe nimma mit da Schojn*,
obwohj i d Äpfe so gern mog -
des duad mein Mogn iatz nimma gfoin.
Mog nimma jatzt – Kreiz, Besnstuhj -
des aggressive Autofoahrn…
Schee gmiatle kimm i aa an s Zuj…
Um mi rum san jatzt lauta Noarrn !
Schod, dass i s Weißbier nimma mehr
vatrog: Da Gicht-Zeh is dagegn !
Min Schnaps is aa nimma weit her,
dawei kunnt i mi zu eahm legn…
Vatrog aa nimma, dass mi wer
laut oschreit – naa, des mog i ned !
Vui liaba is ma, wann i hear
a freindliche und staade Red…
-------------------------------------------------
No weida in de oidn Dog:
Bin dushearad**! Jatzt find i s guad
und s is ma liaba (mei – de Plog!),
wann ma mi wengal oschrein duad…
* Schale ** schwerhörig P.U. 01.07.14
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 07.07.2014.
- Infos zum Urheberrecht / Haftungsausschluss (Disclaimer).
web.de (Spam-Schutz - Bitte eMail-Adresse per Hand eintippen!)