D Inn-Seilfähre

Es is scho üba fuchzg Joahr her,
drum mecht i heit erinnarn dro:
S war z Passau moi a Inn-Seilfähr,
kaum oana heitzdog woaß des no.
 
Vom Schaiblingsturm zwirgst* ume is
zum Innstodt-Bahnhof ganga und
a Sensation, des woar se gwieß
zum Zuaschaun woars ja aa a Grund…
                                                                      * quer
Da Schöberl hat se lang betriebm…
Woit vo da untan Innstodt wer
in d Oidstodt, is nix übabliebm,
sechshundat Meta oda mehr
 
bis zu da Innbruck auffe geh!
Ma hat a Müah ghat, Zeit valoist -
und Schiffalfoahrn woar aa recht schee.
Des hat a Zehnal fei bloß kost…
 
Am Stahlseil is des Boot dro ghängt
und mit dem eisarn Ruadabladl
hat d Strömung d Fähr dann nüwa drängt.
A Färhmo, der braucht Bizeps, Wadl…
 
De vierafuchzga Katastroph**
hat d Innseilfähr dann glatt vasenkt,
Poar Joahr danoch is wieda gfoahrn
und oanasechzg hat ma se denkt,
 
ma lasst des Fährn doch liaba bleibm…
Für mi woar s wichti, drüba z schreibm!!

** das Jahrhunderthochwasser (11,54m) das
2013 mit 11,93 m noch übertroffen wurde...
 

• Autorensteckbrief
• paul-uhlweb.de (Spam-Schutz - Bitte eMail-Adresse per Hand eintippen!)
• 3 Leserinnen/Leser folgen Paul Rudolf Uhl

  Paul Rudolf Uhl als Lieblingsautor markieren

Diesen Beitrag empfehlen:

Mit eigenem Mail-Programm empfehlen