Roswitha Pogotz
Wege
Wege, wia kann ma de gehn
kummt imma drauf an wos soll geschehn
warums de aufn Weg mochst
ob du dann woanst oda lochst
Bist krank gehtst oft an langen Weg
Stoana liengan vor diar und a ganz enga Steg
schier endlos kummts da vor
weit hintn siagtst a Tor
Kurvenreich is oft fiar oan
bleibt oft ned vü zum Toan
schau das de Mittn findst
nur so du de Hürdn übawindst
Dann gibts Weg de san so leicht
genau durt wo fiar di de Sunn scheint
leicht und locka kummst ans Zü
wann ma nur a bissl wü
Kannst das ned aussuacha wos vor diar is
weil da des ois vorgebn is
moch des Beste drauss
so bleibt da so mancha Kumma aus
Manchmoi is nur a kurzes Stück
du findst de Tiar zum grossn Glück
mochs nur auf und nimms an
damits a diar guad gehen kann.
@P.R.2014
Die Rechte und die Verantwortlichkeit für diesen Beitrag liegen beim Autor (Roswitha Pogotz).
Der Beitrag wurde von Roswitha Pogotz auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 17.09.2014.
- Infos zum Urheberrecht / Haftungsausschluss (Disclaimer).