Reifezeit

Dr Herbst bringt nöt lei Forbm ins Lebm,
es tuat aa gonz viel Órbeit gebm,
i woas oft nimmer wo i soll zuerst unfongen,
weil af jedn Bam und Strauch reife Früchte hongen.

Himbeern, Zwetschgn, Äpfl, Traubm,
Birnen,Kastanien und Nussn sein auziklaubm,
Tomatn,Bohnen,Rohnen, Kürbisse im Gortn,
des óls tuat auf die Ernte wortn.

Des muass nor verkocht, geweckt und entsóftet werdn,
man konn des gonze Zuig nöt lossn verderbm,
drum isch zur Zeit va Longeweile koane Spur,
obr ins geats guat, mir lebm va die Gobm der Natur.