Paul Rudolf Uhl
Sylvesternacht (Einladung)
I geh ned gern ins Wirtshaus, wenn do
Sylvesta gfeiat werd. – Naa, ned…
Se stejn z vuj Tisch nei, weil des brauchts scho,
doch do werds eng, des find i bled…
Und danzn konnst ja aa ned gscheit dann,
weil Danzflächn so kloa wor(d)n is…
Und laut werd’s – woaß doch jedamann:
Do muaßt di oschrein, ja, ganz gwieß:
Zehntausnd Watt, de Musi ! – Humbug,
weil’s d Ohrwaschl so strapaziert…
Ja und vaschwitzn duast dein Anzug:
Z vuj Leit drin - hoaß werds, garantiert!
So waars ma Recht, du kamst zu uns hojt,
mia dringadn a Glasl Wei(n),
und spujn aa Kartn, wanns dia gfojt:
Mau-mau und Wattn, des is fei !
A staade Musi, Brotzeit und
um zwöjfe stess ma o aufs Joahr,
aufs neiche - und auf unsan Gsund*
(und auf an Lottogwinn glei goar?)…
* unsere Gesundheit P.U. 27.12.14
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 30.12.2014.
- Infos zum Urheberrecht / Haftungsausschluss (Disclaimer).