Haselblüte

Hob mi eh scho gwundat, dass i
so oft niasn muaß am Dog…
Kruziluja - s is a Kreiz, weil
Niasn i ja goar ned mog!
 
Doch jatzt woaß i, wo des herkimmt:
d Hoslnuss fangt s bliahn jatz o
und de Würschtl do am Strauch, de
sand scho gejb und staubn aa scho !
 
Eingli miaßt ma dankbar sei, weil
des ja Frühlingsbotn sand
und de Biena brauchans wirkli…
I bin jatzt im Kriagszuastand:
 
Des is jed’s Joahr hojt mei Leidn -
hob ja Pollenallergie…
Hejft nix, bessa wird’s im Hirgst* erst -
muaß hojt Pilln schluckn i…
 
* Herbst                                  P.U.  02.02.15