Frühjahrssehnsucht

S gibt Dog, do scheint de Sunn so schee
und woarm is fast scho, kaum zun glau(b)m.
Do fliagn ma aus,do miaß ma geh
und lassn uns an Glau(b)m ned rau(b)m:
 
Mia gehn am Innufer dahi
und wissen, dass bojd Fruahjoahr werd.
Ja – bojd? - Des is doch Utopie:
S is Februar auf unsra Erd’…
 
De größte Kältn kimmt erst no –
do mach ma uns jatz bloß nix vor!
Doch unsre Herzn singa scho
a Frühlingsliad – und des im Chor!
 
Vielleicht kriagn ma no metahoch
an Schnee – des konn ganz schnej passiern.
Mit Händ am woarma Ofaloch,
bei fuchzehn minus… Hobs im Hirn!

Wanns finsta werd - im woarma Bett,
do draam ma* vo da Tulpnbliah,
vo Schmettaling – des ist doch nett!
I glaub, den Draam valier i nia…
 
* träumen wir                            P.U.  18.02.14