Paul Rudolf Uhl
Polit. Aschermittwoch Bayern 2015
Da Seehofer in Passau heit…
Vilshofen: Gabriel und mehr.
De Gelbn gibt’s nimma recht gscheit.
In Landshut: Özdemir – ganz grea* -
Da Gysi aufm Donauschiff
(ham de koa Wirtshaus gfundn?) – mei,
An so an Dog: Radau und Pfiff’,
Polemik. – Mehra konn’s ned sei…
Für d REP da Huaba Martl in
Taufkirchn – bin scho richti gspannt,
ob se an volln Saal kriagn drin…
Vielleicht kemman’s mim brauna Gwand?
Und übaroj geht’s Aug um Aug:
Auf olle andan haut ma ei…
Und obgsperrt ham se den Klamauk:
Oiss voj Bereitschaftspolizei…
Und wieda frog i mi, wer’s zohjt?
Da Steiazahler: i und du,
weil s eahna hojt amoj so gfojt…
Des is doch oisse Schmarrn und Schmu!
* grün P.U. 18.02. 14
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 20.02.2015.
- Infos zum Urheberrecht / Haftungsausschluss (Disclaimer).