Woarme Dog

De erstn woarma Dog san do jatzt,
do hamma ja scho lang drauf gwart’…
So langsam kemman d Bleame aussa,
de Knospn schwejn* scho aa ganz zart.
 
Ma sehgt scho Weidnkatzal, Primal,
im Wojd de Buschwindrosal bliahn
zu Tausnd - und de Vogal singa
und d Taubn dean Fortpflanzung probiern.
 
In Park und Gärtn wachsn Krokus!
De Biena ham des scho dakneist
und sammen** Pollen, de se brauchn…
Aa d Parkbänk san nimma vawaist:
 
Do sitz i und hojts Gsicht in d Sunna
und i geniaß de warma Dog,
de dean so guad, drum bin i sicha,
dass i koan Winta nimma mog…
 
* schwellen   ** sammeln                            P.U.  15.03.15