Am Baikalsee

Oamoi mechat i im Lebm
no im Baikalsee moi  Bodn.
Des kunnt mia an Renna gebm
und i kunnt’s goar nimma grodn*
 
Jeda moant, Sibirien is ja
kojt und wirkli greislich gwieß.
Kaum oana waor dortn und na
woaß as ned, wia’s Somma is:
 
Paradiesisch im August – mei -
aa d Natur so unvabraucht…
Und sei Wassa muaß a Schau sei,
dass ma aa gern owetaucht.
 
Sechzehnhundat Meta tiaf und
recht vej Berg stehn umadum…
Und zun Spoarn hob i jatz aa Grund:
Baikal, wart auf mi – i kumm!
 
* könnte nicht mehr aufhören               P.U. 27.03.14