Paul Rudolf Uhl
Missverständnis
Scho oiwei war a Fan ich do
von eahm: Johann Sebastian Bach,
dem Moasta, Thomaskantor no,
geborn do drent in Eisenach…
Und aa meim Freind hob i vazähjt
vom Bach, ganz voj Begeisterung.
Der hat dumm gschaut, si umdraht no
und frogt mi glei nach Aufklärung:
"Ich sehe kein Gewässer hier…
Ob es ein Bach, ein Fluss nun ist!" -
Und hat behandlt mi, genau,
wia, wann ma einliefern mi miasst...
"Sagst mir den Namen von dem Bach?"
"Na, Johann-Seb"- hob i eahm gsogt.
Johannseebach? - Noch nie gehört!
Wo läuft der hin?" hat er mi gfrogt.
"Oh, mei!" sog i - "In Leipzig drent,
do lafft er nimma, naa, der steht
am Sockl vor da Thomaskirch!"
"Der Bach steht?" hat er gschaut ganz bled.
Ob unsa Freindschaft weida lauft?
- Glab ned, wann der si weida sauft...
für die Anregungen zu meinem anfangs unvollständigen obigen Gedicht
danke ich allen Kommentatoren... Hab's jetzt auf mund-art umgebaut...
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 18.04.2015.
- Infos zum Urheberrecht / Haftungsausschluss (Disclaimer).