Fei

Gor oft scho hob i mir g’stellt de Frog,
wos des Wörterl – „fei „ – wohl bedeit'n mog ?
Und lang scho hob i’s fei entdeckt,
des „fei“ gibt’s nur im bayerischen Dialekt.
 
Der is fei groß, der is fei kloa,
des is fei g’logn, des is fei woahr.
I hob fei an Hunger und a fei an Durscht,
des wos andane sog’n, is mir fei Wurscht.
 
Des g’hört fei mir, des g’hört fei dir,
tringa dua i fei Wasser und oft fei a Bier.
I hob oft fei a große Freid,
und manchmoi duat ma fei wos leid.
 
Dera Beispiele daat’s geb’n fei grod gnua,
wo des Wörterl „fei“ kimmt glei dazua.
I frog mi fei, ob des wer ko ?
Des „fei“ übersetz’n, - i waar fei froh !