Angelique in Wien (wiener Mundart)

Andschelike, Andschelike, Andschelike -
du klane, siaße, freche, zauberhofte Dicke.
Andschelike, Andschelike, Andschelike -
du bandlst mia mei Herz mit g´sponne Zuckastricke.

Kummst du dahea mit deine haßen Schoko-Kuchn
ruaft mi a Englsheer, i soit eam glei vasuchn.
Und a die Turtn sowie Keksaln und Golatschn
vasetzn mia die liabsten Kalorien-Watschn.

So vüle Buchtln, Datschkaln und a Palatschinkn
loßn mi an deinen Hefe-Busen sinkn.
Für deine reschn Brezln, Kipfaln und Pastetn
tua i zum Gott da Diabetes täglich betn.

Du loßt mi alle ondern Madln gern vagessn,
die nia a Bockblech ham jemois je besessn.
I wü im Lebn nie mea a untagwichtigs Stangerl!
Nua vua dia schmeiß i mei 100 Kilo-Hangerl...