Paul Rudolf Uhl
Schifferl- Fahren
Regina Danubia
Auf da Doana, an ram Sonndog
samma Gala-Schiffal gfoahrn,
weil mei Weibal und i aa scho
lang nimma im Wirtshaus woarn.
Essn, Dringa – erste Sahne !
D Küch, de hat vier Sterndal goar.
Wann i vo dem Schiff dann hoam geh,
bin i ogfressn – echt woahr !
Weil: Buffettbetrieb is s Thema,
und do glang i sauba zua…
Scheene Fleischstückal konnst nehma,
Beilagn ham s aa fei gnua !
Woaßt, am Nomiddog gibt’s Kaffee,
Kuacha, Eis und Tortn no…
Mia is dann scho nimma recht guad,
weil i hojt ned „naa“ sogn ko…
Drei Dog wer’ i fastn miaßn,
d Vorsätz ham hojt woache Knia,
und des Schlemma muaß i büaßn…
Zruckhojtn? – Des lern i nia !
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 16.06.2015.
- Infos zum Urheberrecht / Haftungsausschluss (Disclaimer).
web.de (Spam-Schutz - Bitte eMail-Adresse per Hand eintippen!)