Paul Rudolf Uhl
Morgenwonne
Da Ringlnatz schreibt, dass er glei
so knallvergnügt moi aufgwacht is…
A so a Schmarrn! – des konn ned sei -
zmeist woar a grantig, des is gwieß !
Und dass nan s Waschn gfreit no hod
und d Soafn aa, und s Lüftn no…
I moan der liagt! – Und es i schod,
hob ojwei gmoant: A brava Mo,
der Ringlnatz! – Und aa den Knicks
den s Laken gmacht hat: - Liagarei !
Es gratuliert zun Bodn – naa, nix !
I sog: a Lug – i bin so frei !
Und seine gwixtn Schuah, de ham
mit „euer Gnaden“ eahm ogredt?
I glaab koa Wort davo, doch dann
sei Appedit woar guad; glogn ned !
Woher i des so gnau ojss woaß?
Ja, mei, hob spekuliert ja gnua…
Und – Teifestrick und Hobagoaß:
I nimm des Moß vo meine Schuah…
P.U. 15.06.15
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 18.06.2015.
- Infos zum Urheberrecht / Haftungsausschluss (Disclaimer).