Isar-Frische

Isar, - mei greana Fluß,
bist wahrlich a Genuß.
I sog’s eich Leit, des is a Wonna,
i lieg auf da Kiesbank in da Sonna,
und dua lausch‘n,
wia da Fluß duat rausch’n.
Dann geh i kniatiaf nei in’s Wasser, ja varreck –
I glaub mia reißt’s de Fiaß glei weg.
An am Stoa bin i henga blieb’n,
scho lieg i in der Isar drin.
Bei 18 Grod, do geht’s dahi,
flußabwärts schwoabt de Stömung mi.
Mit Miah und Not, hob i’s Ufer dawischt,
i bin auße krabet, do war i erfrischt !