"Elektrische" Post...

Unsam Briafpostla, dem ham s jatz
s Radl glatt „elektrisiat“ !
Und iatz kimmt de Post no friahra,
weil ja Zeit no eigspoart wird…
 
Aa an Berg nauf geht’s weng leichta,
mit ram Motor untastützt
und er gfreit si scho  recht drüba,
dass er nimma goar so schwitzt…
 
Wann i „Post“ dann übasetz ins
Englisch, muaß i „mail“ sogn, kloar…
Und wann d Post elektrisch kimmt iatz,
is a E-mail – is ned woahr?
 
E-mail gibts jatz ojso nimma
bloß mit n Compjudda, wann
aa de Radl-Post elektrisch
kimmt. - Des is da reine Wahn !
 
Klar, das i dazua  jatz hi neig:
Hat des Radl Räda drei,
hoaßt ma s oafach nimma „E-bike“,
E-trike hoaßts, i bin so frei !  (;-))