Bermuda-Dreieck

Es is bekannt, ehs kennt s es gwieß,
dass do a so a Dreieck gibt,
wo manches Schiff vaschwaundn is
und a poar Flugzeig hats vasiebt…
 
Bermuda-Dreieck ham se s gnennt,
in da Karibik is des glegn
und koana woaß bei uns herent,
wo gnau des liegt – s hat koana gsehgn.
 
I stej mia vor, ma kunnt ja wem,
den ma zun Teifi wünschn mecht,
an Freiflug in d „Karibik“ gebm.
Mei – vielleicht klappt s, des waar scho recht:
 
An Nachbarsfeind, an besn Boss,
da Schwiegamuadda mit ihrm Hund
aa sonst wen, aufm hoha Ross
und jeden, den ma des vagunnt.
 
A Risiko is scho dabei:
ob s klappt? - Do konnst ned sicha sei…