Paul Rudolf Uhl
Mein Bücherwurm
I hob zmeist dünne Biachal gschriem,
knapp hundat Seitn ham de grod…
Bin gesdan moj vorm Schrank steh bliem,
weil do mei Biachawurm gschimpft hod:
De san eahm z dünn, er muaß dann ja
so oft as Buach wechsln – strengt o!
Damit er endlich zfrie(d)n sei ka,
hob i in Brockhaus eahm nei do…
Poar Dog no hob i n knabban gheart,
Auf oamoj woar s mucksmäusalstaad:
Mei Biachawurm woar tot! – Hob plärrt,
weil er si übafressn hat !
Er hätt eh nimma so lang glebt,
weil i ojss digitalisier…
Festplattn, Sticks, CD – de gebm
nix her, er hätt do koa Plaisir:
Von Bits und Bytes konn der ned lebm…
P.U. 11.09.15
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 12.09.2015.
- Infos zum Urheberrecht / Haftungsausschluss (Disclaimer).